Katër herë fitues i Kupës së Botës, ndërron jetë legjenda e futbollit brazilian

Legjenda e futbollit brazilian, Mario Zagallo, i cili ka fituar katër Kupa Bote si lojtar dhe trajner, ka ndërruar jetë në moshën 92-vjeçare. Zagallo ishte pjesë e ekipit brazilian që fitoi radhazi Kupat e Botës në vitin 1958 dhe 1962, duke qenë pjesë e formacionit bazë në të dyja finalet.

Triumfi i fundit i Zagallo në Kupën e Botës erdhi si ndihmës trajner i Carlos Alberto Parreira në 1994. Ai u kthye si trajner i Brazilit pas atij turneu dhe i çoi ata në finale në 1998, ku u mundën nga Franca.

Zagallo ishte personi i parë që fitoi Kupën e Botës edhe si lojtar edhe si trajner – një arritje që është barazuar më vonë nga gjermani Franz Beckenbauer dhe francezi Didier Deschamps.

Me vdekjen e Zagallo, nuk ka mbetur gjallë asnjë anëtar i ekipit të Brazilit që luajti në finalen e 1958.

/News31